Жекешелендіру объектілерін сату сервисі «Jekege» (бұдан әрі – Сервис) аукцион, тендер немесе конкурс түріндегі сауда-саттықты екі кезеңді рәсімдер арқылы ұйымдастыру және өткізу үшін арналған, 2011 жылғы 9 тамыздағы № 920 Қазақстан Республикасы Үкіметінің қаулысына сәйкес
Сервиске қолжетімділік беріледі:
Сатушыға (мүлікті иеліктен шығаруды жүзеге асыратын тұлға) – мемлекеттік мүлік жөніндегі уәкілетті органға, жергілікті атқарушы органға немесе аудандық маңызы бар қала, кент, ауыл, ауылдық округ әкімі аппаратына. Қолжетімділік заңды тұлғаның (сатушының) электрондық цифрлық қолтаңбасына енгізілген БСН бойынша автоматты түрде беріледі.
Саудаға қатысушыларға (заңды және жеке тұлғаларға) – Қазақстанның Ұлттық куәландыру орталығы берген электрондық цифрлық қолтаңбаны пайдалана отырып, e-Qazyna.kz мемлекеттік мүлік тізілімі веб-порталында Пайдаланушы келісімін қол қойған жағдайда
Сервиске қолжетімділікті қамтамасыз етуді «Мемлекеттік мүлікті есепке алу саласындағы Бірыңғай оператор» ретінде айқындалған «Ақпараттық-есеп орталығы» акционерлік қоғамы жүзеге асырады. Бұл 2011 жылғы 15 шілдедегі № 802 Қазақстан Республикасы Үкіметінің қаулысына сәйкес белгіленген.